IPL 2025లో అత్యంత ఆసక్తికరమైన కథల్లో ఒకటి శ్రేయస్ అయ్యర్‌దే. కోల్‌కతా నైట్‌రైడర్స్ (KKR) విడుదల చేసిన తర్వాత, భారత జట్టు సెలెక్షన్లలో పక్కనపెట్టిన తర్వాత, ఒత్తిడిలోనూ గొప్ప నాయకత్వం కనబరిచిన అయ్యర్ పంజాబ్ కింగ్స్‌ను 11 ఏళ్ల తర్వాత IPL ఫైనల్‌కు చేర్చాడు. ప్రత్యర్థులపై ఎదురుదాడులు, స్థిరంగా చేసింగ్ లీడ్ చేయడం వంటి ఎన్నో అంశాల్లో లీడ్ ఇచ్చిన అయ్యర్ ఇప్పుడు టైటిల్ గెలవాలనే మిషన్‌లో ఉన్నాడు. అయితే ఫైనల్‌లో అతడికి ఎదురయ్యే అతిపెద్ద పరీక్ష జోష్ హేజిల్వుడ్ రూపంలో ఉంటుంది.
హేజిల్వుడ్ కట్టుదిట్టమైన లెంగ్త్, లైన్‌తో అయ్యర్‌ను మళ్లీ బౌల్డ్ చేస్తాడా?
ఆస్ట్రేలియా పేసర్ జోష్ హేజిల్వుడ్ ఈ సీజన్‌లో RCBకి MVPగా నిలిచాడు. పవర్‌ప్లేలో వికెట్లు, ఎకానమీ కంట్రోల్, టాపార్డర్‌ను విరగదీసే సామర్థ్యం అతనికి ప్రత్యేకత. అతని సీజన్ గణాంకాలు ఆశ్చర్యపరిచేలా ఉన్నాయి. 21 వికెట్లు, 15.81 సగటుతో, 11.43 బౌలింగ్ స్ట్రైక్ రేట్‌తో. క్వాలిఫైయర్ 1లో పంజాబ్ టాపార్డర్‌ను చీల్చి చిత్తు చేసిన ఆటతీరు ఈ ఫైనల్‌కు దారితీసింది.
ఐయర్‌కు హేజిల్‌వుడ్‌పై ఉన్న పరాజయ చరిత్ర
T20లలో హేజిల్‌వుడ్‌తో అయ్యర్ పోరులో గణాంకాలు అతనికి విపరీతంగా విరోధంగా ఉన్నాయి: 6 ఇన్నింగ్స్‌లలో 22 బంతుల్లో కేవలం 11 పరుగులు, 4సార్లు ఔట్. సగటు కేవలం 2.75. స్ట్రైక్‌రేట్ 50 మాత్రమే. ఇది “బన్నీ” అనే ట్యాగ్‌కి పూర్ణ న్యాయం చేసే విధంగా ఉంది. హేజిల్వుడ్ బౌలింగ్‌లో ఉన్న డిసెప్షన్.. హై రీలీజ్, సీమ్ పైపు.. అన్నీ అయ్యర్‌ను వెనక్కి తగ్గించేలా చేస్తాయి. ఆపై పిచ్‌కి ముందుగా వచ్చిన ఫుల్ లెంగ్త్ బంతి… దాంతో బలైపోతాడు అయ్యర్.
ఫైనల్‌లో అయ్యర్ తన దురదృష్టాన్ని జయించగలడా?
వరల్డ్‌కప్ ఫైనల్‌లో కూడా పాట్ కమిన్స్ ఇదే స్క్రిప్ట్‌ను ఫాలో అయ్యాడు. బౌన్సర్ తర్వాత పిచ్ అప్ బంతితో అయ్యర్‌ను ఔట్ చేశాడు. ఇప్పుడు అదే మళ్లీ IPL 2025 ఫైనల్‌లో జరుగుతుందా? లేక అయ్యర్ తన “నెమసిస్” అయిన హేజిల్‌వుడ్‌ను జయించి పంజాబ్ కింగ్స్‌కు తొలి టైటిల్ అందిస్తాడా? ఈ రెండు ఆటగాళ్ల మధ్య పోరు మాత్రమే కాకుండా, ఇదే విజేతను నిర్ణయించగల ఆఖరి ఘట్టం కావొచ్చు.
జట్ల అంచనా ప్లేయింగ్ XI:
పంజాబ్ కింగ్స్ (PBKS): ప్రభ్ సిమ్రన్ సింగ్ (ఇంపాక్ట్), ప్రియాంశ్ ఆర్యా, జోష్ ఇంగ్లిస్ (వికెట్ కీపర్), శ్రేయాస్ అయ్యర్ (కెప్టెన్), నేహాల్ వాఢేరా, శశాంక్ సింగ్, మార్కస్ స్టోయినిస్, అజ్మతుల్లా ఒమర్‌జై, యుజ్వేంద్ర చహల్, అర్షదీప్ సింగ్, కైల్ జేమిసన్, విజయ్‌కుమార్ విశాక్
రాయల్ చాలెంజర్స్ బెంగళూరు (RCB): విరాట్ కోహ్లీ, ఫిల్ సాల్ట్, రాజత్ పటీదార్ (కెప్టెన్), లియామ్ లివింగ్‌స్టోన్, జితేశ్ శర్మ (వికెట్ కీపర్), రోమారియో షెపర్డ్, క్రునాల్ పాండ్యా, భువనేశ్వర్ కుమార్, యశ్ దయాల్, జోష్ హాజిల్‌వుడ్, సుయాష్ శర్మ
మరిన్ని క్రికెట్ వార్తల కోసం ఇక్కడ క్లిక్ చేయండి..