Astram App: విశాఖపట్నం నగర వాసులకు ట్రాఫిక్ సమస్యల నుండి ఉపశమనం కల్పించాలనే ఉద్దేశంతో రాష్ట్ర హోం మినిస్టర్ అనిత ‘అస్త్రం’ అనే యాప్ ను ప్రారంభించారు. ఈ సందర్భంగా ఆమె మాట్లాడుతూ.. ప్రజలకు రియల్ టైమ్ ట్రాఫిక్ సమాచారం అందించడమే ఈ యాప్ ఉద్దేశమని ఆమె తెలిపారు.
Read Also: AP EAPCET 2025 Results: ఆంధ్రప్రదేశ్‌ ఈఏపీసెట్‌ 2025 ఫలితాలు విడుదల..!
ఈ యాప్ ను డౌన్‌లోడ్ చేసుకున్న వినియోగదారులు విశాఖలో ట్రాఫిక్ ఎక్కువగా ఉండే ప్రాంతాలను ముందుగానే తెలుసుకొని ప్రత్యామ్నాయ మార్గాల ద్వారా గమ్యస్థానానికి త్వరగా చేరుకోగలరు. అలాగే, తమ పరిసరాల్లో యాక్సిడెంట్లు జరిగినా, ట్రాఫిక్ జామ్‌లు ఉన్నా, వాటిని యాప్ ద్వారా ఇతరులకు తెలియజేయవచ్చు. ఈ సందర్భంగా.. హోం మినిస్టర్ అనిత వ్యాఖ్యానిస్తూ.. విశాఖ ఒక వీఐపీ నగరం, ఇక్కడ నిత్యం రద్దీ ఎక్కువగా ఉంటుంది. అందుకే ప్రజలందరూ ఈ యాప్‌ను వినియోగించుకోవాలి. ఇది ప్రజల కోసం రూపొందించిన యాప్ అని పేర్కొన్నారు.
Read Also: Phone Tapping : ఫోన్ ట్యాపింగ్ కేసులో కీలక మలుపు.. ఇండియాకు ప్రభాకర్ రావు.. రేపు సిట్ ఎదుట హాజరు
ఈ యాప్ ప్రజలకు ఎంతగానో ఉపయోగపడుతుందని, ట్రాఫిక్ చిక్కుల్లో చిక్కుకోకుండా ముందుగానే సమాచారం తెలుసుకొని సమయాన్ని ఆదా చేసుకోవచ్చు అని హోం మినిస్టర్ సూచించారు. ఈ యాప్‌తో నగర ట్రాఫిక్ నిర్వహణ మరింత సమర్థవంతంగా మారుతుందని అధికారులు భావిస్తున్నారు. విశాఖ వాసులందరూ ఈ యాప్‌ను వినియోగించి ప్రయోజనం పొందాలని ప్రభుత్వ వర్గాలు తెలిపాయి.