ప్రజంట్ హీరోయిన్ పూజ హెగ్డె పరిస్థితి ఎలా ఉందో చెప్పక్కర్లేదు.. ‘బీస్ట్’ తో మొదలు ఇప్పటి వరకు వరుస సినిమాలు తీసినప్పటికీ ఒక్క హిట్ కూడా పడలేదు. దీంతో ఐరన్‌లెడీ అనే ముద్ర కూడా పడిపోయింది. దాదాపు టాలీవుడ్, కోలీవుడ్, బాలీవుడ్.. ఇలా అని ఇండస్ట్రీలో స్టార్ హీరో తో జత కట్టిన ఈ అమ్మడు ప్రజంట్ డిజాస్టర్ లో కూరుకుపోయింది. రీసెంట్‌గా ‘రెట్రో’ మూవీ మీద చాలా ఆశలు పెటుకున్నప్పటికి అక్కడ కూడా నిరాశే ఎదురైంది. ఇక తాజాగా ఓ మీడియాతో ముచ్చటించిన పూజ కాస్త ఎమోషనల్ కామెంట్స్ చేసింది..
Also Read : 8 Vasantalu : ‘8 వసంతాలు’ నుంచి హార్ట్ టచింగ్ సెకండ్ టీజర్ రిలీజ్..
‘ఈ మధ్య కాలంలో నేను నటించిన ‘సర్కస్’, ‘కిసీ కా భాయ్ కిసీ కీ జాన్’, ‘దేవా’ లాంటి చిత్రాలు బాక్సాఫీసు వద్ద ఆశించిన ఫలితాలను ఇవ్వలేకపోయాయి. కొన్నేళ్లుగా నా కెరీర్ లో విజయం అనే పదానికి నిర్వచనమే మారిపోయింది. కానీ ఈ దశ నాకు చాలా ముఖ్యమైంది. ఇప్పుడు నా రాబోయే సినిమాలు.. భవిష్యత్తు ప్రాజెక్టులు, నేను ఎలాంటి నటిని అనే విషయాన్ని ప్రేక్షకులకు మరోసారి చూపిస్తుందని ఆశిస్తున్నా. నిజం చెప్పాలంటే చిత్ర పరిశ్రమలో నాలాంటి వాళ్లు చాలా మంది అవకాశాల కోసం చాలా కష్టపడాలి. ఎన్నో సవాళ్లు, అనుభవాలతో సినీరంగంలో ప్రస్తుతం నేను ఒక స్థాయిలో ఉన్నాను. కానీ ఇంకా సాధించాల్సింది చాలా ఉంది. అందరి జీవితంలో హెచ్చుతగ్గులు కచ్చితంగా ఉంటాయి. పరాజయాలను కూడా స్వీకరించాలి. ఒక వేళ దాన్ని అంగీకరించకపోతే.. కొత్తగా ప్రేక్షకులకు ఏమి ఇవ్వలేము. అద్భుతమైన చిత్రం నిర్మాతలతో కలిసి పని చేయడం.. నటిగా నన్ను నేను నిరూపించుకునే పాత్రలు ఎంపిక చేసుకోవడం.. విమర్శకుల ప్రశంసలు అందుకోవడమే.. ప్రస్తుతం ఇదే నా లక్ష్యం. నా సినీ ప్రయాణంలో బ్లాక్ బస్టర్ చిత్రాలు ఎన్నో ఉన్నాయి. కానీ నేను ఎప్పుడూ విజయాలను మనసులో పెట్టుకోను. నేను నటించిన సినిమా హిట్ అయినా.. ఫ్లాప్ అయినా ఒకేలా ఉంటా. కథలు, పాత్రలు ఎంచుకునే పద్ధతిని మార్చి. ఇప్పుడు కొత్త ప్రయాణం మొదలుపెట్టాలనుకుంటున్నాను.’ అంటూ చెప్పుకొచ్చింది పూజ.