WTC 2025 Final: ప్రపంచ టెస్ట్ ఛాంపియన్‌షిప్ ఫైనల్ మ్యాచ్ ఆస్ట్రేలియా వర్సెస్ దక్షిణాఫ్రికా మధ్య లండన్‌లోని లార్డ్స్ స్టేడియంలో జరగనుంది. ఈ మ్యాచ్ జూన్ 11 నుంచి ప్రారంభమవుతుంది. ఈ కీలక మ్యాచ్ కోసం రెండు జట్లు ప్రాక్టీస్ చేయడం ప్రారంభించాయి. ఈ రెండు జట్లు ఈ సీజన్‌లో అద్భుతంగా రాణించాయి. అందుకే ఆస్ట్రేలియా వర్సెస్ దక్షిణాఫ్రికా మధ్య ఫైనల్ మ్యాచ్ జరగబోతోంది. అయితే, ఫైనల్‌కు ముందు, ఆస్ట్రేలియా మాజీ కెప్టెన్ ఆరోన్ ఫించ్, దక్షిణాఫ్రికా అనుభవజ్ఞుడైన బ్యాట్స్‌మన్ ఏబీ డివిలియర్స్ రెండు జట్ల గురించి కీలక ప్రకటన చేశారు. ఈ ఇద్దరు మాజీ ఆటగాళ్లు తమ తమ జట్లకు గట్టిగా మద్దతు ఇచ్చారు.
ఆరోన్ ఫించ్ ఏం చెప్పాడంటే?
రెండు జట్లను పరిశీలిస్తే, వారి బౌలింగ్ దాడి ఒకేలా ఉందని ఆస్ట్రేలియా మాజీ కెప్టెన్ ఆరోన్ ఫించ్ అన్నారు. ఆస్ట్రేలియాలో నలుగురు అద్భుతమైన ఫాస్ట్ బౌలర్లు ఉన్నారు. వారికి నాథన్ లియాన్ కూడా ఉన్నాడు. దక్షిణాఫ్రికా గురించి చెప్పాలంటే, వారికి రబాడ, లుంగీ న్గిడి వంటి మంచి బౌలర్లు ఉన్నారు. తరువాత మార్కో జాన్సెన్, కేశవ్ మహారాజ్ కూడా వికెట్లు తీయడంలో నిష్ణాతులు. రెండు జట్లు దాదాపు ఒకేలా ఉన్నాయి. కానీ, నా అభిప్రాయం ప్రకారం ఆస్ట్రేలియా కొంచెం ముందుంది. ఎందుకంటే, వారు ఎక్కువ టెస్ట్ క్రికెట్ ఆడారు.
దక్షిణాఫ్రికాకు లక్కీ ఛాన్స్..
దక్షిణాఫ్రికా క్రికెట్ కు ఇది చాలా గొప్ప క్షణం అని దక్షిణాఫ్రికా మాజీ క్రికెటర్ ఏబీ డివిలియర్స్ అన్నారు. లార్డ్స్‌లో ఫైనల్ ఆడటం చాలా గొప్ప విషయం. దేశం మొత్తం మా జట్టుకు మద్దతు ఇస్తుంది. రాబోయే సవాలు కోసం మేము చాలా ఉత్సాహంగా ఉన్నాం. ఇది చాలా మంచి జట్టు. మేం ఆస్ట్రేలియాను ఓడించగలమని నేను ఆశిస్తున్నాను. వారిని నిరాశపరచగలం అంటూ చెప్పుకొచ్చాడు.
ఐసీసీ ప్రపంచ టెస్ట్ ఛాంపియన్‌షిప్ ఫైనల్‌ను గెలవడానికి ఆస్ట్రేలియా బలమైన పోటీదారు. కాబట్టి. నేను ఇలా చెబుతున్నానని ఆయన అన్నారు. ఆస్ట్రేలియా చాలా అనుభవజ్ఞులైన జట్టు. దక్షిణాఫ్రికాకు అలా చేయడం అంత సులభం కాదు. కానీ, దక్షిణాఫ్రికా ఆటగాళ్ళు ప్రస్తుతం గొప్ప ఫామ్‌లో ఉన్నారు.
గత ప్రపంచ టెస్ట్ ఛాంపియన్‌షిప్ సీజన్‌ను ఆస్ట్రేలియా గెలుచుకుంది. ఫైనల్‌లో టీమ్ ఇండియాను ఓడించారు. ఇప్పుడు ఈ సీజన్‌లో ఏ జట్టు గెలుస్తుందో చూడటం ముఖ్యం? ఈ మూడు జట్లలోనూ చాలా మంది బలమైన ఆటగాళ్ళు ఉన్నారు.
మరిన్ని క్రీడా వార్తల కోసం ఇక్కడ క్లిక్ చేయండి..