టిక్ టాక్ ద్వారా ఎంతో మంది తమ ట్యాలెంట్ ను ప్రపంచానికి చాటుకున్నారు. ఈ వీడియోల ద్వారానే టిక్ టాక్ దుర్గారావు వంటి వారు ప్రాచుర్యంలోకి వచ్చారు. కొందరు టీవీ షోల్లోకి కూడా అడుగు పెట్టారు. మరికొందరు ఇప్పుడు సినిమాలతో బిజీగా ఉంటున్నారు. వారిలో దీపికా పిల్లి ఒకరు.
ఈ బ్యూటీ లిప్-సింకింగ్, డబ్ స్మాష్ కామెడీ వీడియోలకు అప్పట్లో మంచి క్రేజ్ ఉండేది. టిక్ టాక్‌లో ఈ బ్యూటీ ఫాలోవర్ల సంఖ్య దాదాపు 1.1 మిలియన్లు అంటే ఏ రేంజ్ లో పాపులర్ అయ్యిందో ఇట్టే అర్థం చేసుకోవచ్చు. ఇదే పాపులారిటీతో బుల్లితెరకు పరిచయమైందీ అందాల తార. ప్రముఖ డ్యాన్స్ షో ఢీలో యాంకర్ అండ్ మెంటార్ గా సక్సెస్ అయ్యింది.
యాంకర్ గా పలు టీవీ షోలకు యాంకర్ గా చేసిన దీపికా పిల్లి తన గ్లామర్ తో పేక్షకులను ఆకట్టుకుంది. ఇక ఈ చిన్నది సుడిగాలి సుధీర్ హీరోగా నటించిన వాంటెడ్ పండుగాడు సినిమాతో హీరోయిన్ గా మారింది దీపికా పిల్లి. ఈ సినిమా ప్రేక్షకులను ఆశించిన స్థాయిలో ఆకట్టుకోలేకపోయింది.
రీసెంట్ గా యాంకర్ ప్రదీప్ మాచిరాజు హీరోగా నటించిన అక్కడమ్మాయి ఇక్కడబ్బాయి సినిమాతో ప్రేక్షకుల ముందుకు వచ్చింది. కానీ ఈ సినిమా కూడా బాక్సాఫీస్ దగ్గర బోల్తా కొట్టింది. కానీ దీపికా పిల్లి నటనకు మంచి మార్కులు పడ్డాయి. టీవీ షోలు, సినిమాలే కాదు సోషల్ మీడియాలో యాక్టివ్ గా ఉంటుంది ఈ చిన్నది.
సోషల్ మీడియాలో రెగ్యులర్ గా ఫోటోలు, వీడియోలు షేర్ చేస్తూ అభిమానులను ఆకట్టుకుంటుంది దీపికా పిల్లి. తాజాగా ఈ ముద్దుగుమ్మ కొన్ని అందమైన ఫోటోలను సోషల్ మీడియాలో షేర్ చేసింది.”అలలు పొంగి పారితే చెలియ పలుకు జ్ఞాపకం మేఘమాల సాగితే మోహకథలు జ్ఞాపకం.. మనసు లేకపోతే మనిషి ఎందుకంటా” అంటూ సాంగ్ లిరిక్ తో కొన్ని ఫోటోలు పంచుకుంది.