ఇంట్లో ఎవరైనా స్వీట్ తినాలి ఉందని అంటే వెంటనే సేమ్యా, రవ్వ పాయసం వంటి వాటిపై దృష్టి సారిస్తారు. ఎక్కువ మంది ఉప్మా రవ్వతో చేసే హల్వాని ఇష్టంగా తింటారు. అంతేకాదు చేయడం కూడా చాలా ఈజీ. రుచికరంగా కూడా ఉంటుంది. వాస్తవంగా ఈ సెమోలినా రవ్వతో రకరకాల ఆహార పదార్ధాలను తయారు చేసుకోవచ్చు. కానీ అన్నిటిలో హల్వా బెస్ట్ అని అంటారు తీపి అంటే ఇష్టం ఉన్నవారు. ప్రతి ఒక్కరి ఇంట్లో సుజి రవ్వ ఉంటుంది. దీంతో హల్వా చేసే రెసిపీ కూడా చాలా సులభం.. అయితే ఈ హల్వా చేసే సమయంలో కొన్ని చిన్న చిన్న విషయాలను దృష్టిలో ఉంచుకుంటే ఈ హల్వా చాలా రుచికరంగా ఉంటుంది. మీ ప్రియమైన వారిని సంతోషపెట్టడానికి.. ఈ పద్ధతిని ఉపయోగించి హల్వా తయారు చేసి అందించండి. రెసిపీ ఏమిటో చూద్దాం.
హల్వా తయారీకి కావలసిన పదార్థాలు
సెమోలినా (సుజీ రవ్వ లేదా ఉప్మా రవ్వ) – ఒక కప్పు
దేశీ నెయ్యి- ఒక కప్పు
పాలు- రెండు కప్పుల
బాదం- 8-10
జీడిపప్పు – 8-10
డ్రై ఫ్రూట్స్
చక్కెర లేదా బెల్లం- పావు కప్పు
యాలకుల పొడి – ఒక స్పూన్
తయారీ విధానం: ముందుగా సుజీ రావ్వని శుభ్రం చేసి దానిని పాలలో నానబెట్టండి. ఇప్పుడు పాన్ ని స్టవ్ మీద పెట్టి వేడి చేసి అందులో కొంచెం నెయ్యి వేసి వేడి ఎక్కిన తర్వాత తరిగిన బాదం, జీడిపప్పు, ఇతర డ్రై ఫ్రూట్స్ వేసి వేయించండి. డ్రై ఫ్రూట్స్ వేయించిన తర్వాత.. వాటిని ఒక ప్లేట్‌లోకి తీసుకోండి. మిగిలిన నెయ్యిని పాన్‌లో వేసి దానిలో చక్కెర లేదా బెల్లం వేసి కరిగించండి. ఇప్పుడు నానబెట్టిన సుజీ రవ్వని పాలలో వేసుకోండి. ఇప్పుడు ఈ మిశ్రమాన్ని కలుపుతూ.. రవ్వ బంగారు గోధుమ రంగులోకి మారడం ప్రారంభించే వరకు వేయించాలి. ఇప్పుడు తీసుకున్న కప్పుతో రెండున్నర రెట్లు నీరు పోసి మూతపెట్టి రెండు మూడు నిమిషాలు ఉడికించండి. హల్వా సిద్ధమైన తర్వాత పాన్ నుంచి హల్వా అంటుకోదు.. నెయ్యి విడిగా కనిపించడం ప్రారంభమవుతుంది. ఈ దశలో ఈ మిశ్రమంలో వేయించిన డ్రై ఫ్రూట్స్ వేసి కలపండి. చివరిగా ఇష్టమైన వారు యాలకుల పొడిని వేసి అందరికీ వేడిగా వడ్డించండి.
మరిన్ని లైఫ్ స్టైల్ న్యూస్ కోసం క్లిక్ చేయండి..