ప్రస్తుతం పొరుగుదేశం చైనాలో ఒక వింతైన.. ఆసక్తికరమైన ట్రెండ్ ఊపందుకుంది. అక్కడ అమ్మాయిలు ఒత్తిడి నుంచి ఉపశమనం పొందడానికి ‘మ్యాన్ మమ్స్’ సహాయం తీసుకుంటున్నారు. అబ్బాయిలు అమ్మాయిలను కౌగిలించుకున్నందుకు యువత నుంచి డబ్బులు వసూలు చేస్తున్నారు. ప్రస్తుతం ఈ హగ్గింగ్ సేవకు ఆ దేశంలో చాలా డిమాండ్ ఉందని తెలిస్తే మీరు ఆశ్చర్యపోతారు.
సౌత్ చైనా మార్నింగ్ పోస్ట్ నివేదిక ప్రకారం.. ‘మ్యాన్ మమ్స్’ అనే పదాన్ని జిమ్‌ చేసి కండరాల శరీరం ఉన్న అబ్బాయిలకు ఉపయోగిస్తారు. యువతులు పని వలన ఒత్తిడితో, చదువు భారం లేదా ఏదైనా ఇతర వ్యక్తిగత సమస్యలతో ఇబ్బంది పడుతున్నప్పుడు.. వాటిని అధిగమించడానికి యువతులు ‘మ్యాన్ మమ్స్’లను నియమించుకుంటారు. ఇలా మగ తల్లుల అవతారం ఎత్తే యువకులు ఒక కౌగిలింతకు 20 నుంచి 50 యువాన్లు (అంటే మన దేశ కరెన్సీలో రూ. 250 నుంచి 600) వసూలు చేస్తారు. ఇలా కౌగిలింత సమయం సాధారణంగా 5 నిమిషాలు. అబ్బాయి.. అమ్మాయిని ఇలా ఐదు నిమిషాల పాటు కౌగలించుకుని ఉంటారు.
ఒక విద్యార్థి తన థీసిస్ ఒత్తిడితో చాలా విరిగిపోయానని అప్పుడు తనకు ఉపశమనం కోసం ఎవరినైనా కౌగిలించుకోవాలనిపించింది.. అందుకోసం ఎంత డబ్బు ఖర్చు చేయడానికి అయినా సిద్ధంగా ఉన్నానని సోషల్ మీడియాలో పోస్ట్ చేయడంతో ఈ ట్రెండ్ వేగంగా వ్యాపించింది. ఆ అమ్మాయి తాను స్కూల్లో ఒకరిని కౌగిలించుకున్నానని.. ఇలా చేసిన చేసిన తర్వాత తనకు చాలా బాగుందని చెప్పింది. ఆ విద్యార్థి పోస్ట్ కొద్దిసేపటికే వైరల్ అయింది. అప్పటి నుంచి కౌగిలింత ద్వారా ఒత్తిడి తగ్గించే సేవలకు డిమాండ్ పెరిగింది.
నివేదిక ప్రకారం ఇలా కౌగలింత సేవలను అందిస్తున్న యువత మెట్రో స్టేషన్ లేదా షాపింగ్ మాల్ వంటి బహిరంగ ప్రదేశాలలో ఉంటారు. అంటే ఈ పురుషుల తల్లులు’ ఇలాంటి ప్రదేశాల్లో ఉంటున్నారు. చాలా సార్లు అమ్మాయిలు వారిని కౌగిలించుకుని తమ మనసులోని బాధని పంచుకుంటున్నారు. ఇలా చేయడం వలన యువతుల మనసులోని భారాన్ని కూడా తగ్గిస్తుంది. అమ్మాయిలు .. అబ్బాయిల శరీరాకృతి, మాట్లాడే విధానం, ప్రవర్తన, రూపాన్ని బట్టి ‘మ్యాన్ మమ్స్’ ను ఎంచుకుంటారు. ఇరువురి మధ్య నిర్ణయం జరిగిన తర్వాత కౌగిలించుకునే స్థలం, సమయం నిర్ణయించబడుతుంది.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..