మీరు వేసవిలో ప్రయాణించాలనుకుంటే.. పూర్తి ప్రిపరేషన్‌తో బయలుదేరడం చాలా ముఖ్యం. కొన్నిసార్లు ప్రజలు కొన్ని ముఖ్యమైన వస్తువులను ఇంట్లో ఉంచి, దారిలో ఇబ్బందులను ఎదుర్కొంటారు. ప్రయాణంలో ముందుగా పలు విషయాలపై దృష్టిపెట్టాలి.
సన్‌స్క్రీన్: ఎండలోనే కాదు, వేడి కూడా చర్మాన్ని టాన్ చేస్తుంది. సాధారణంగా ఇంటి నుంచి బయటకు వెళ్లేటప్పుడు సన్‌స్క్రీన్‌ను అప్లై చేయడం చాలా ముఖ్యం. మీరు విహారయాత్రకు లేదా ప్రయాణాలు చేస్తుంటే ఖచ్చితంగా బ్యాగ్‌లో ఉంచుకోవడం మంచిది.
నీరు: వేసవిలో శరీరాన్ని హైడ్రేట్‌గా ఉంచుకోవడానికి ఎక్కువ నీరు తాగడం మంచిది. ప్రయాణంలో మీరు తప్పనిసరిగా కనీసం 2 లీటర్ల నీటిని మీతో తీసుకెళ్లాలి. మీరు శీతల ప్రాంతానికి విహారయాత్రకు వెళుతున్నా ఖచ్చితంగా బ్యాగ్‌లో నీటిని తీసుకెళ్లండి.
కాటన్ దుస్తులు: వేసవిలో ప్రయాణిస్తున్నప్పుడు చెమట పట్టడం సహజం. అలాంటి పరిస్థితుల్లో బిగుతుగా ఉన్న దుస్తులు శరీరంపై దద్దుర్లు లేదా అసౌకర్యాన్ని కలిగిస్తాయి. మీరు ప్రయాణంలో ఇలాంటి బాధలకు దూరంగా ఉండాలనుకుంటే మీ బ్యాగ్‌లో కాటన్, తేలికపాటి దుస్తులు మాత్రమే ఉంచుకోండి.
సన్ గ్లాసెస్: ఈ సీజన్‌లో కళ్లపై పడే సూర్యుడి కిరణాలు, వేడి కూడా చెడు ప్రభావం చూపుతుంది. అటువంటి పరిస్థితిలో బ్యాగ్‌లో సన్ గ్లాసెస్ ఉంచుకోవడం మర్చిపోవద్దు. సన్ గ్లాసెస్ ధరించడం వల్ల అందంగా కనిపించడంతోపాటు.. ఎండ నుంచి రక్షణ పొందవచ్చు.