Asian Sunil : టాలీవుడ్ లో కొన్ని రోజులుగా థియేటర్ల సమస్య నడుస్తోంది. అలాగే పవన్ కల్యాన్‌ సినిమా హరిహర వీరమల్లు సినిమాను ఆ నలుగురు అడ్డుకుంటున్నారంటూ తీవ్రమైన ఆరోపణలు వచ్చిన విషయం తెలిసిందే. కానీ ఆ నలుగురు ఎవరనే దానిపై ఇంకా క్లారిటీ రాలేదు. ఇప్పటికే దిల్ రాజు, అల్లు అరవింద్ ప్రెస్ మీట్లు పెట్టి ఆ నలుగురిలో తాము లేము అని క్లారిటీ ఇచ్చుకున్నారు. పవన్ కల్యాణ్‌ కే తమ సంపూర్ణ మద్దతు పలికారు. ఇప్పుడు మరో ప్రొడ్యూసర్ ప్రెస్ మీట్ పెట్టబోతున్నారు.
Read Also : Kannappa : కన్నప్ప ఫైనల్ కాపీ చూసిన మోహన్ బాబు, విష్ణు..
ఆయనే ఏషియన్ సునీల్. ఆయన మీద కూడా కొన్ని రోజులుగా ఆరోపణలు సోషల్ మీడియాలో వచ్చాయి. ఆ నలుగురిలో ఈయన ఉన్నారంటూ కొందరు పోస్టులు చేశారు. వీటిపై రేపు సాయంత్రం 4 గంటలకు ఆయన ప్రెస్ మీట్ పెట్టి క్లారిటీ ఇవ్వబోతున్నారు. సింగిల్ థియేటర్ల మూసివేత, పర్సెంటేజీ విధానంతో పాటు ప్రొడ్యూసర్లు, డిస్ట్రిబ్యూటర్ల విషయాలపై స్పందించే అవకాశాలు ఉన్నాయి. ఈ థియేటర్ల సమస్యలపై ఫిల్మ్ ఛాంబర్ ఎలాంటి నిర్ణయాలు తీసుకుందో కూడా వెల్లడించబోతున్నారు. మొత్తానికి రేపు థియేటర్ల సమస్యలతో పాటు పవన్ కల్యాణ్‌ సినిమా విషయంలో వచ్చిన ఆరోపణలపై కూడా ఆయన క్లారిటీ ఇవ్వబోతున్నారు.
Read Also : Peddi : అర్ధరాత్రి రామ్ చరణ్‌ యాక్షన్ సీన్స్..